Мениҥ тилим уйан да эмес,
Мениҥ тилим улу да эмес,
Мениҥ тилим макты сӱӱбес,
Ӧскӧ тилдерге кӱйӱнип билбес.
Уткычы ла омок, jалакай да тилим,
Уткачы ла чечен, учурлу да тилим.
Jӱрӱмди сен Орхондо уткыгаҥ,
Jӱрӱмге кестиртпей, чике алтагаҥ.
Сен алкыш, аласташ jогынаҥ бек эмей,
Сен ыйык сӱмерлер музыдый мӧҥкӱ,
Сен чӧлдӧрдиҥ салкынындый jайым!
Сенде чактардыҥ эрjинедий тыны!
Каjуда ӧзӧтӧн алып мӧштӧрдиҥ
Кожоҥы сенде, тӧрӧл тилим.
Кӱркӱреп агатан суулардыҥ
Кӱчи сенде, тӧрӧл тилим
Алтай тилиме jаҥар. Бронтой Бедюров
.
